劉強東案出現反轉 女方飯局主動勾住劉手臂

根據美聯社描述，劉強東喺飯局中途曾經起身去洗手間，劉靜瑤都有跟住一齊去，之後兩人同時返番座位。
而從餐廳外面閉路電視片段所見，劉強東本來自己一支箭行出餐廳，不過劉靜瑤同佢助手主動追出去，之後兩個人並肩離開時，劉強東仲將自己件外套披喺劉靜瑤身上，而落車時仲曾經拖住劉靜瑤。

文中又引述劉強東美國代表律師Jill Brisbois指，影片清楚反映當晚到底發生咩事，片中劉靜瑤行路唔需要別人扶助，仲主動蹺住劉強東手臂，並非如女方所講佢當晚不斷被迫飲酒又或飲醉咗。